KREDO Rasinis

KREDO RASINIS

Bann prensip debaz Seselwa Rasinis i koumsa:

LARTIK I
SESEL POU SESELWA

Seselwa Rasinis premyerman e pli enportan i vedir Sesel Pou Seselwa. Nou Seselwa Rasin nou ti reklanm nou lendepandans koman en pep inifye, avek tou bann soufrans lepase kin fini pardonnen, anba sa banyer Sesel pou Seselwa (Seychelles for Seychellois) avek sa lentansyon pou bouz anavan ver devlopman nou pei koman en Sesel Pou Seselwa ki lentansyon e linite ti ganny trair le 5 Zen 1977.

Nou senbol i en Zetwal senk lapwent Nwanr lo en fon blan ron. Sa Zetwal Nwanr i reprezant sa drwa ki pa kapab ganny transfer e son natir permanans ki Seselwa Rasin e Sesel Pou Seselwa i reprezante e sa laform fon blan ron i senboliz pirite e klarite drwa Seselwa Rasin.

Prezans paviyon lendependans i levidans rekonesans enternasyonal pep Seselwa Rasin koman en pep distenge, natif e propriyeter Sesel, e an plis sinifye nou linite e rekonsilyasyon nasyonal antre nou met bann lamertin lepase deryer nou, e i reprezant nou determinasyon pour devlop nou pei pour benefis tou Seselwa Rasin, e anprenan kont ki sa paviyon ti ganny aksepte e tonb dakor lo la par tou parti ki ti lalit pou lendepandans, e alor, Sa paviyon Lendepandans i bezwen ganny restitiye koman Paviyon Nasyonal ki senboliz Seselwa Rasin koman propriyeter e sel pep ki annan kontrol lo Sesel.

LARTIK II
ZOUR TRAIZON E REPARASYON

Depi sa moman e anavan, le 5 Zen sak lannen pou reste en konze nasyonal ki a mark en zour souvenir pour tou Seselwa Rasin koman Sa zour Traizon e Reparasyon.

Lo sa dat nou pou depi sa moman e anavan mazin sa aksyon traizon lo sa valer Sesel Pou Seselwa e an armoni avek bann diferan fason ki sak endividiyel in personelman trair sa valer Sesel Pou Seselwa dan bann lannen kin pase e rezoli e definir fason pou amelyor nou komitman e dedikasyon ver sa valer e laverite Sesel Pou Seselwa pandan lannen ki pe vini.

LARTIK III
DEFINISYON-SESELWA RASIN

Seselwa Rasin se sa pep natif Sesel, e Sesel i propriyete selman Seselwa Rasin e pa pou oken lot endividi, group ou pep, e Sesel i patri selman Seselwa Rasin e later nou lorizin. Sa bann fe ti ganny rekonnet e aksepte par Rwayonm Ini e kominote enternasyonal lo dat nou lendepandans, le 29 Zen 1976, Zour Lendepandans, kot nou Seselwa Rasin ti ne.

En Seselwa Rasin se en dimoun ki son zanset I form rasin kiltir e sosyete Seselwa. En Seselwa Rasin i ganny defini koman en dimoun ki ti en Seselwa Zour Lendepandans, Le 29 Zen 1976, ouswa enn son desandans.

Leksepsyon pou bann dimoun kin natiralize par maryaz oubyen par reson imaniter ganny donner stati Rasin I ganny define dan sa Kredo, person pa kapab pran oubyen donn stati Seselwa Rasin baze lo keksoz oun fer oubyen pan fer par sa endividi Seselwa Rasin – swa egziste oubyen pa egziste e i ferm ou ensanzab, absoli, endiskitab e osi permanan parey bann zetwal dan lesyel lanwit Sesel.

Etranze ki marye avek en Rasin pou bezwen esper apre 10 an dan son maryaz avek en Seselwa Rasin e osi 10 an residans dan Sesel, ki kapab ganny konte an paralel, me sa dimoun natiralize pa kapab pas stati Rasin avek son zanfan andeor son maryaz avek en Seselwa.

LARTIK IV
CONTROL POLITIK LO SESEL

Seselwa Rasin i annan drwa ekskliziv pou control politikman e gouvern Sesel.

Seselwa Rasin i annan drwa ekskliziv pou ganny elekte dan, oubyen apwent dan, neport pozisyon dan Sesel ki enkli gouvern, oubyen kapab annan okenn pourvwar pou gouvern, neport morso Sesel.

LARTIK V
SESEL I PATRIMWAN SESELWA RASIN

Tou benefis e resours derive ou ekzistan Sesel i propriyete Seselwa Rasin e i osi patrimwan tou Seselwa Rasin selman. Sertin bann benefis nou patrimwan ki propriyete zis bann Seselwa Rasin par egzanp, servis lasante public, ledikasyon pou naryen, lakaz, later e lezot servis sosyal e lezot drwa ki devret ganny met a disposisyon zis bann Seselwa Rasin – tou lezot dimoun i bezwen pey en pri resonab pou bann tel servis.

Tou Seselwa Rasin ki bezwen lasistans gouvernman Sesel ya donn zot lasistans oubyen lasistans par lezot endividi Seselwa Rasin, dan lekel drwa lasistan ya ganny balanse par lobligasyon e devwar ki sak endividi Seselwa Rasin i prove pou amelyor son sirkonstans, ziska pli gran nivo posib, alor sa Seselwa Rasin kid an bezwen ya kapab ganny asiste.


LARTIK VI
LANGAZ SESELWA LANGUAGE EK SON KILTIR

Langaz ek kiltir Seselwa Rasin pou nepli ganny fer referans koman Kreol, dan lekel sa non pa rekonet nou distenksyon e nou inikte koman en pep. Nou langaz pou dezorme apel Seselwa, e nou kiltir pou osi definitivman ganny apele Kiltir Seselwa dan lespri rekonesans lendepandans e distenksyon sa vre pep Seselwa Rasin, antraver nou langaz e nou kiltir.

LARTIK VII
DEFINISYON – DRWA – FABRIKE

En Fabrike se en fo-Seselwa an lot mo en dimoun ki pe pas pou en Seselwa me napa oken liyen Seselwa Rasin. Tou bann Fabrike ki annan en paspor Seselwa, e tou drwa ki pe ganny reklamen par bann Fabrike koman sitwayen Sesel i devret ganny kensel avek sel eksepsyon bann imaniter konfirmen par bann lalwa Seselwa Rasin.

Neport Fabrike ki pa vote dan bann eleksyon fitir, e ki pann viyol lalwa Sesel, oubyen ki pann benefisye dan oken viyolasyon lalwa Sesel, pou kapab anvoy en petisyon kot Gouvernman Rasinis pou ganny konsidere pou en renonsman imaniteriyen, pour sa kensel fo-sitwayente ki lalwa Gouvernman Seselwa Rasinis i demande, dan ki sirkonstans ki sitwayente i devret ganny donnen i devret Selman dan sirkonstans eksepsyonel avek eksplikasyon e difinisyon an detay, e tou sa bann demars i bezwen ganny fer avek konesans piblik, anplis ki sa donn en individi sitwayente Seselwa i bezwen ganny valide par en vote mazorite Seselwa Rasin dan en referandonm pou permet sa transfer stati en Fabrike ek son desandans.

Neport Fabrike ki vote dan prosen eleksyon pou ganny deporte san leksepsyon dan en tre kourt peryod apre transfer pourwar avek en Gouvernman Rasinis isi Sesel, e zot pa pou kapab ganny konsidere pou sa petisyon pou sitwayen Seselwa imaniteriyen

En Seselwa Rasin pou korpore avek oken lazans nasyonal e enternasyonal pou demaske e idantifye ban Fabrike ek zot bann move aksyon komet kot sa pep anba zot stati Fabrike sitwayen Seselwa.


LARTIK VIII
BANN DRWA - DYASPORA SESELWA RASIN

Tou Seselwa Rasin, neport landwa ki zot ete, i bezwen annan drwa vote dan nenport eleksyon dan Sesel par enresitre koman en Seselwa Rasin absan dan son pei natal.

Prosedir lanresitreman voter in bezwen pli liberal posib, an retenir pirite e sekre dan vot, pou kapab realiz bann lobzektiv fondamantal pou permet nenport Seselwa Rasin fer son devwar e drwa sivik pou vote dan tou eleksyon ki fer Sesel – Later Natal Seselwa Rasin.

Tou Seselwa Rasin ek zot desandans, neport landrwa ki zot viv lo planet later ou neport dire letan ki zot in aletranze, pou ganny drwa Retourn Sesel koman sitwayen Sesel konplet, e zot bann drwa retournen pa pou ganny konpromi oubyen retire.

LARTIK IX
SESELWA RASIN – ENPLOYE DAN SERVIS PIBLIK

Oken Fabrike ou etranze pa devret ganny enploye dan servis piblik e zidisyer Gouvernman Sesel, si i annan Seselwa Rasin kalifye a zot dispozisyon pou sa travay.

LARTIK X
LAPOLIS ETRANZE

Dan oken sikonstans en Seselwa Rasin pa devret ganny kontrole par en lapolis etranze ou en Fabrike dan so prop pei. Dezorme, oken etranze ou Fabrike pa devret travay dan nou lafors lapolis, larme ou seksyon taks oubyen dan oken sibdivisyon Governman Sesel dan lekel zot annan oken pouvwar ofisyel lapolis parlao oken Seselwa Rasin.

LARTIK XI
SESELWA RASIN ARMED FORCES – DUTIES AND OBLIGATIONS

Lafors arme Sesel, sekirite arme e lafors lapolis i devret ekziste pou benefis ou promot lentere Seselwa Rasin Selman, e pa devret promot lentere en sel endividi ou group oubyen parti politik.

Neport lafors arme, sekirite arme ou lafors lapolis i annan pou devwar e obligasyon pou dezobeyir oken lord ki demand zot pou trayir drwa e lentere zot prop pep, Seselwa Rasin, anfaver oken parti politik ou movman, espesyalman pandan bann aksyon direk kip e ganny pran par Seselwa Rasin pou ranforsi bann drwa ou promot ou protez Sesel Pou Seselwa.


LARTIK XII
LIBERTE LAPAROL E ASOSIASYON- MEDYA

Nenport e tou medya dan Sesel i bezwen en propriote mazoriterman pou Seselwa Rasin Selman, e nenport medya finanse par e anba kontrol Gouvernman Sesel i bezwen servi lentere Seselwa Rasin e non pa pou fer travay pou endividi ou group ou parti politik.

Nou Seselwa Rasin nou bezwen annan liberte pou asosye, panse, koze e fer petisyon kont nenport lenzistis e reklam regresyon nou bann dirizan dan en latmosfer pli lib e san lafreyer ou intimidasyon oubyen retaliasyon, e nou Seselwa Rasin nou bezwen annan loportinite pou devlop neport kantite debosman medya libreman pou nou kapab eksprim libreman e indepandanman nou pwenvi avek en minim restriksyon dan en latmosfer pli liberal posib.



LARTIK XIII
ELIMINASYON KOLABORATER PP (PARTI POLITIK)

Nou Seselwa Rasin nou annan en devwar e obligasyon pou retir kolaborater PP o povwar, si zot pa renons zot kolaborasyon e enplimant Sesel Pou Seselwa.

Eliminasyon Kolaborater PP o povwar pou ganny akonpli premierman par tou mwayen pasifik ki eksite, e ansit, koman en dernyen solisyon, par aksyon direk revolisyon.

En kolaborater se en Seselwa Rasin ki pa pe promot drwa Seselwa Rasin parlao drwa bann Fabrike oubyen bann drwa entranze Sesel later-d-mer patri Seselwa Rasin.


ARTICLE XIV
SESELWA RASIN – LEDIKASYON PERSONEL – REKRITMAN - DEFANS

I devwar tou Seselwa Rasin pou politz e edik son lekor lo size Kredo Rasinis, e alor, rekrit, edike e politiz trwa dimoun lo Kredo Rasinis e pou li vin en Rasinis en retour fer menm keksoz.

Se devwar e obligasyon pou sak Rasinis pou edik son lekor dapre pli o nivo son abilite e kapabilite ki alor sak Rasinis ya annan sa pli o abilite individyelman protez e defan Sesel Pou Seselwa e bann gran prensip kidan Kredo Rasinis.



LARTIK XV
AKSYON REVOLISYONAR

Si I bezwen annan aksyon revolisyonar direk, tou Seselwa Rasin pou bezwen sa ki i kapab pou asiste dan sa zefor, menm si sa i zis don en ver delo sa ki pli angaze.

LARTIK XVI
EGALITE DEVAN LALWA – AKSE E LOPORTINITE

Tou Seselwa Rasin pou ganny trete egalman devan lalwa e oken etranze pa pou ganny trete pli favorab devan lalwa, dan neport ka, plis ki en Seselwa Rasin dan son latermer patri – Sesel.

Tou Seselwa Rasin pou ganny akse lo nenport lans dan son pei latermer patri e lo nenport zil dan teritrwa Sesel e pa pou ganny fefize en akse rezonab neport kan.

Tou Seselwa Rasin ya ganny loportinite egal dan biznes, pou devlop bann aktivite biznes dan so terdmer parey bann Fabrike e etranze dan pei natal Seselwa Rasin.

LARTIK XVII
MERIT DAN PROSEDIR LALWA

Oken Seselwa Rasin pa pou perdi son lavi, liberte, propriyete, son lavi prive, egalite loportinite e pourswit lazwa anda menm merit prosedir lalwa.

LARTIK XVIII
LEKZIL E EXTRADISYON

Tou Seselwa Rasin pou annan en drwa absoli, non-envokab e non-sanzad pou abit Sesel zot ter-d-mer, e pa kapab ganny ekzile oubyen fer ekzile, ganny refiz retour ou entre Sesel, oubyen ekstradye deor Sesel, pou neport rezon ki ekziste.


LARTIK XIX
VRE PROPRIYETE

Seselwa Rasin pou annan drwa ekskliziv pou annan propriyete dan Sesel, later-d-mer Seselwa Rasin.

Etranze i kapab annan drwa louwe propriyete dan Sesel pou en period pa plis ki 75 an, enkli renovelman ou bann opsyon extansyon, san bann aprovasyon bann governman pase.

Tou Fabrike kin aste propriyete dan Sesel koman Seselwa avek en paspor Seselwa kin ganny aste pou bezwen retourn oubyen sed sa vre propriyete avek Gouvernman Sesel, tou bann Fabrike ki ganny afekte ki pann engaze dan oken aktivite illegal oubyen bann dil anba anba dan Sesel, pou kapab ganny drwa louwe sa propriyete kin ganny retournen, sede oubyen akeyir.

Tou etranze ki pan aste vre propriyete par verti en paspor Seselwa aste pou kapab louwe sa vre propriyete avek en lo etranze si fre sa domen si documan legal i pou Gouvernman Sesel e similtaneman en lokasyon 75 I kapab ganny donnen.

En dimoun kin resewar en propriyete avek Gouvernman Sesel an peyen gous, oubyen fer faver ou aktivite illegal, pou ganny prosekite e sa propriyete dan Sesel pou ganny sezi ou return avek Gouvernman Sesel.

LARTIK XX
GEN ILEGAL

Neport gen oubyen bann byen akimile ou bann drwa akimile par en dimoun kin ganny zot oubyen en parti par gous, bann dil anba anba ou lezot fason frod oubyen fason illegal pou ganny sezi par Gouvernman Sesel avek enposisyon laplikasyon sarz kriminel oubyen penalti sivil.